„Мак експрес“ набави 30 половни автобуси, кои периодично ќе се пуштаат во сообраќај и ќе возат на линиите 9, 19, 22, 23, 52 и 54.

Станува збор за возила увезени од Германија, а се од марката „ман“, „мерцедес“ и „неоплан“, со просечна старост до 10 до 13 години. Со ова Макекспрес го зголеми возниот парк за 30 отсто

Доколку се продолжи рокот за увоз на половни возила, Макекспрес ќе го зголеми бројот на автобуси за уште 30 отсто.

Увезените возила се солидни и имаат мотори евро 2, евро 3 и евро 4.
На некои од нив има рампи за пристап на лица со инвалидски колички и на мајки со колички за деца.

Се известуваат граѓаните дека на ден 22.06.2010 (Вторник), дел од ул. Благоја Стефковски и тоа од раскрсницата со бул. Александар Македонски до раскрсницата со ул. Методија А. Ченто ќе биде затворен за одвивање на сообраќај поради реконструкција на коловозот.

    Автобусите на ЈГПП ќе бидат пренасочени и истите ќе се движат по бул. Александар Македонски, ул. Методија А. Ченто и ул. Благоја Стефковски , при тоа користејќи ги постојните автобуски стојалишта.

    Забраната ќе важи во периодот од 22.06.2010 до 31.08.2010 година